Маала на левата страна од Вардар			Маала на десната страна од Вардар
	Пајко (Ибни Пајко)	Чаир		Гази Менташ (Циганско)	Буњаковец
	Еврејско (Чивутана)	Карадаг		Влашко (Хаџи Салабедин)	Маало - Колонија
	Топхана (Тапаана)	Крњево		Станични и гимн. реони	Тафталиџе
				Ново (Чивчи) мааоло	Ханриево
				Маџир	Викенд - куќи
				Кисела Вода	Заклучок
				Дебар маало

Земјиштето било сопственост поединци, Варон и Буњак, на претпријатија или банки. [1] Земјиштето за  продажба претходно било парцелизирано.

Во овие предградија нагло се граделе куќи од тврд материјал со модерен конфор.

3.28. Буњаковец, на преден план стовариштето за градежни материјали на Данило Тохољ, Архив на Македонија,

3.29. Куќи во Буњаковец, пред 1924 год., МГС инв. бр. 1239

3.30. Новата приградска населба Буњаковец, вл. бр. 13410

Новоизградените куќи ги задоволувале основните потреби, биле светли  и пространи, со високи тавани, со санитарни чворови, водовод, канализација, парно греење, а според начинот на живот во богатите скопски семејства,  во куќата имало и соба за послуга.

Особено убави куќи имало во делот околу тогашната Женска гимназија, во продолжение на дрвеното мовче. Во овој дел живеело богато население - Евреи, Срби и Македонци.

 Особено интересна градба во овој дел на градот била Беговата палата. Проектот за оваа палата го изработил архитектот Иван Артемушкин, а според кажувањата, сопственик бил познатиот скопски Шабан паша. Постои легенда за Беговата палата, според која неа ја изградил турски бег кој на постари години се вљубил во млада Македонка и í ја подарил палатата. Палатата имала приземје и кат, а фасадата  била во вид на венци, капители и пиластри  и претставувала синтеза на повеќе европски архитектонски стилови. Посебен белег на палатата ñ давала масивната железна ограда во стилот на маниризмот, изработена од унгарски мајстори кои работеле на цели квартови во Париз. Палатата претставувала типична градба за периодот по Првата светска војна, а во тој период во неа бил  сместен  францускиот конзулат. Во 1938 год. во палатата бил пренесен Природно-научниот музеј од соседната палата на Рубен.

 Особено интересна градба е и куќата на фамилијата Рубен.

 Повеќекатната куќа на Емил Рубен била изградена по проект на Иван Артемушкин, а одговорен за градбата бил некој познат мајстор од Галичник. Куќата имала приземје, три ката и мансарда, а на секој кат  имало по три големи салони и по две спални соби. Куќата била готова во 1927 год. без отстапки од првобитниот проект, иако кредитите во Хипотекарната банка биле големи. [2]

3.31. Куќата на фамилијата Рубен, изградена во 1927 год.